O pasado sábado a comunidade celebrou o Día da Paz cun programa de actividades para cativos e maiores. Comezou a tarde con obradoiros e xogos para os máis pequenos, un cento de nenos e nenas coñeceron un pouco mellor o que a paz a través do xogo. Non faltou tamén un fermoso conto e dous videos feitos polos rapaces de postcomuñón no que ofrecían a súa visión da paz. Podedes ver algunhas imaxes das actividades cos nenos na Galería de Imaxes.

Logo da misa o Comité Óscar Romero achegounos á realidade do pobo de Haití que tanta dor está a sufrir tras o terremoto que deixou á vista os problemas que dende hai décadas leva a sufrir a súa poboación por mor da inxustiza.

A fin de semana tivo, na celebración preparada polos rapaces das distintas etapas da catequese, un peche redondo xa que tamén xirou ao redor da Paz.