O martes 25 de marzo o grupo Imán e o programa Sereos do Casco Vello organizaron o "Primeiro encontro sen teito" na nosa cidade coa participación de Antonio Rodríguez -dominico que traballa no albergue madrileño de San Martín de Porres-.

Na xornada participaron ao redor de 70 persoas, entre xente persoas sen teito, voluntarios e profesionais, que encheron o local do concello situado no Casco Vello.

A xornada comezou co almorzo no local dos Sereos, logo de chegar ao CTIC quentamos motores con dúas cancións, con baile incluído, e coa lectura da fábula do Aguilucho.

Logo disto Antonio comezou coa exposición das políticas en materia de sen teito na Unión Europea e deixando claro que o problemas das persoas sen teito deben ser tratados de manera integral, tendo claro que este fenómeno é solucionable e froito da inxustiza social. Tras a pausa Antonio presentounos o traballo que se está a facer no albergue de San Martín de Porres, que conta ademais de co albergue: con unha miniresidencia, dous pisos tutelados e cunha empresa de inserción.

A xornada a pechou a concelleira de Benestar Social do Concello de Vigo, María Méndez, que adiantou que este ano estará en funcionamento o albergue e un piso para emerxencias.

Rematamos esta fermosa xornada cun xantar común nun restaurante do Casco Vello.

Podedes ler máis información no artigo publicado na Voz de Galicia.