Podemos ler na web de Redes Cristiás dous artigos ("El Papa quiere enterrar la Teología de la Liberación" e "Benedicto XVI denostó a la Teología de la Liberación") nos que se presenta algunhas das opinións do Papa Benedicto XVI sobre a Teoloxía da Liberación.

Podemos ler hoxe na páxina de Redes Cristiás un artigo de Chomsky comparando a commemoración da caída do muro de Berlín en 1989 e a pouca atención prestada a outro feito que se produciu naquel mesmo ano en América Latina: o asasinato dos jesuitas no Salvador.

Tras case un mes en folga de fame iniciada a raiz da súa arbitraria expulsión de Marrocos, a vida da activista saharauí, Aminatu Haidar, comeza a pender dun fío.

Os intentos errados do goberno español de persuadir a Marrocos para que permita o regreso de Haidar á súa casa no Sahara Occidental, obrigan a unha maior presión internacional que poña fin a esta escandalosa situación.

Unamos a nosa voces a todos os que están mobilizándose polo dereito de Aminatu a volver ao seu fogar cos seus sen renunciar á súa dignidade e liberdades. Asina a petición, e axuda a xerar unha verdadeira marea de opinión pública reenvíandola a todos os teus amigos e coñecidos.

Toda a información neste enlace: http://www.avaaz.org/es/haidar_safe_return/97.php/?cl_tta_sign=5575af6d53ded151ff8382fcb8663745

Andrés Torres Queiruga, cunha linguaxe coloquial e sinxela, na charla de onte foinos dando algunhas pautas a ter en conta cando unha comunidade proponse entrar seriamente na lectura da Biblia. As pautas serían as seguintes:

O Foro Galego de Inmigración que reúne a varias asociacións de Galicia convoca un acto lúdico-reivindicativo na Praza do Toural ás 19h30 en Santiago de Compostela baixo o lema "Dereitos iguais para tod@s", este acto celébrase no día internacional das Persoas Migrantes.

Achegamos a carta de Aminetu Haidar que escribiu co motivo do día dos Dereitos Humanos, mentres ela segue coa folga de fame...

O 10 de decembro de 1948, a Asemblea Xeral das Nacións Unidas aprobou e proclamou a Declaración Universal de Dereitos Humanos. Tras este acto histórico, a Asemblea pediu a todos os países membros que publicasen o texto da Declaración e dispuxesen que fose "distribuído, exposto, lido e comentado nas escolas e outros establecementos de ensino, sen distinción fundada na condición política dos países ou dos territorios".

Máis información na web de Nacións Unidas: www.un.org/es/documents/udhr

O ciclo de conferencias “Contra a pobreza: Presiona!” abrirá coa presenza de Pablo J. Martínez Osés Coordinador da “Plataforma 2015 y más” que abordará os retos pendentes para acadar os ODM na charla “ODM, pódese acabar coa pobreza?”. Será o xoves 10 de Decembro no centro Sociocultural Caixa Galicia Vigo ás 19h00.

A segunda conferencia do ciclo se presentará baixo o título: "A alternativa está aquí (ou de como as mulleres cambiamos o mundo)". A relatora será a escritora e Presidenta da ONGD Implicadas no Desenvolvemento, María Reimóndez.. Será o xoves 17 de Decembro na sala de Conferencias do Centro Social Caixanova ás 19h30.

O catedrático de economía aplicada na Universidad Autónoma de Barcelona, Arcadi Oliveres, ofrecerá a conferencia “Acabar coa pobreza en tempos de crise”. Oliveres é toda unha eminencia en materias como: relacións norte-sur, comercio internacional, débeda externa e consumo responsable. Será o martes 29 de Decembro no auditorio Centro Cultural Caixanova ás 19h30.

Este anos os dous proxectos aos que destinará os cartos recadados na campaña de nadal 2009 irán dirixidos a :

- Axuda ao financiamento da escola “María Soliña” en Pubai (India) que dá educación, alimentación e atención sanitaria a máis de 300 cativos.

- Colaboración coa Asociación O PETO para a concesión de microcréditos dirixidos á creación de emprego.

Os donativos poden facerse en metálico na parroquia ata o 24 de Xaneiro ou na conta nº 45175 de Caixanova.

A Rede Social Galicia Sur lanza unha campaña na que denuncia a escasa axuda que o concello de Vigo dedica a axudas ao Terceiro Mundo: «Hai que humanizar os orzamentos municipais», afirmou Francisco Vallverdú, voceiro de Eduación sen Fronteiras, para referirse á escasa aportación económica do Concello de Vigo á cooperación internacional. Según a Dirección Xeral de Políticas de Desarrollo, Vigo so aporta cen mil euros do seu orzamento anual a este obxectivo. A cifra representa o 0,043% do seu orzamento, e queda moi por detrás de municipio como Xixón (0,7%, 1,6 millóns de euros), Córdoba (1,1%, 3,7 millóns de euros) ou Logroño (0,6%, 1,1 millóns de euros).