Pouco menos dun cento de persoas xuntámonos para lembrar ás persoas que na nosa cidade e en moitas máis foron vítimas da pobreza, do VIH, das adicións e da desigualdade.

No acto no que houbo música, flores, palabras e moito sentimento quedou de manifesto que as vidas dos que nos abandoaron non quedan no esquecemento.

Máis información na web da Voz de Galicia.

O G.A.P.E. (Grupo de Apoio ás Persoas Estranxeiras) organiza unha xornadas de sensibilización os días 6-7-8 de novembro. Serán no salón de actos da parroquia a partires das 20.00 da tarde.

Como ven sendo tradicional o grupo Imán -xunto a Sereos e a nosa comunidade- convídanos o venres 2 de novembro ás 18.30 nos xardíns do museo Quiñones de León no parque de Castrelos para celebrar o Día de defuntos dun xeito especial.

Celebraremos o acto malia que chova ao carón da pedra que en latín di: "Fai agora o que quererías facer cando morreras" 

No acto lembraremos a aquelas persoas que morreron vítimas do SIDA, das adicións, da pobreza extrema e da violencia. Podedes levar flores, velas ou algún texto para ler.

O pasado 28 de outubro Redes Cristiás sacou unha nota de prensa na que explica as razóns do troco de lugar da I Asemblea.

O podedes ler en castelán na web de Redes Cristiás e en galego aquí.

Nestes días estreamos unha nova sección na web chamada "Descargas". Dende aí poderedes descargar algúns materiais para: catequese, celebracións, artigos interesantes, etc.

Pouco a pouco iremos subindo cousas como as programacións anuais dos diferentes cursos de catequese, evanxeos para a preparación das celebracións...

Na web de altermundo podedes ler a entrevista que Enrique de Castro, sacerdote da comunidade de Entrevías en Madrid, concedeu a este medio coincidindo coa súa estancia en terras galegas.

Dende hai uns meses na nosa cidade contamos cun espazo de intercambio e cesión que deixa fóra a imposición dos cartos.

Este espazo de troco está formado por varios colectivos da cidade: C.S. "A Revolta", Amarante, Tenda Mundos, Árbore,C.S. "A Faísca", Verdegaia e asociación Caleidoskopio - C.S.A. Cova dos Ratos.

Podedes ler máis información na súa web: vigotroca.arkipelagos.net

A semana do 22 ao 28 de outubro a 2 de RTVE dedica a súa programación aos empobrecidos e inmigrantes a través do que chaman a semana Conciendia2. Isto consistirá en botar en horario de máxima audiencia documentais e películas que abordan temas sociais.

Deste xeito hoxe luns ás 21.30 botan a pelicúla francesa "Clandestino", o martes estrean o documental "Novos españois" ás 22.30, o xoves ás 21.30 tamén o documental "Pateras" e o venres pechan o ciclo coa película colombiana "María llena eres de gracia".

O domingo 21 en Vigo, ao igual que en moitas cidades do Estado, saíron á rúa, centos de persoas baixo a consigna: "Rebélate contra a pobreza, máis feitos, menos palabras". Esixíase aos políticos o cumprimento dos obxectivos do milenio para a erradicación da pobreza.

A Comunidade parroquial, unha vez máis, estivo presente con algúns dos seus membros.

Podes ler máis información na Voz de Galicia e ver as fotos da manifestación nas imaxes de Luar.

Na web de Redes Cristiás lemos que: "o Provincial de Congregación dos PP. Agustinos do cal depende o Colexio San Agustín de Madrid, que a I Asemblea de Redes Cristiás non poderá celebrarse en dito colexio. Estamos á espera de coñecer máis detalles sobre o lugar de onde procede esa orden, e as causas da mesma.

A asemblea segue adiante e terá lugar, co mesmo programa e nas mesmas datas na Facultade de Ciencias Matemáticas da Universidade Complutense de Madrid".

Estamos á espera de máis novas.