Nestes días os medios de masas están a centrar a súa atención nas declaracións dos bispos sobre as eleccións de marzo e a resposta ofrecida polo goberno.

Fronte a isto propoñemos estes "Outros criterios de Igrexa para votar responsablemente" publicados en Rebelión digital. Tamén son interesantes: a nova publicada en Redes Cristiás que recolle a opinión da Asociación de Teólogos e Teólogas Juan XIII sobre a nota da comisión permanente da Conferencia Episcopal, podedes ler a nova neste enlace e o artigo de Cristianos polo Socialismo ante a declaración.

Lemos no portal Insurgente a seguinte nova sobre o aumento da tasa de desemprego:

"A escasas semanas das eleccións, o paro rexistrou o seu peor xaneiro da última década e deixou o total de persoas inscritas nas oficinas do antigo Inem no maior nivel da lexislatura, ata supera nuns 80.000 o total de parados que os socialidemócratas atopáronse cando chegaron ao poder en marzo de 2004. Así, e segundo os datos feitos públicos hoxe polo Ministerio que dirixe Jesús Caldera, o desemprego rexistrado nos Servizos Públicos subiu un en 132.378 persoas (un 6,22% máis) durante o pasado mes con respecto a decembro de 2007, co que a cifra total de desempregados situouse en 2.261.925"

Podedes ler a nova completa en Insurgente.

O colectivo “Xogo Descuberto” nace no ano 2005 en Coia formado por un grupo de xente con inquedanzas artísticas - especialmente musicais -, políticas, sociais, etc.

Exemplo do traballo do colectivo son a revista de crítica social e difusión cultural "Xogo descuberto", concertos, a reconquista da illa de Toralla...

Nestes días estrean presenza na rede con este blog: www.xogo-descuberto.blogspot.com

O Grupo de autoapoio VIH/Sida e Adiccións “Imán” dexesamos informarvos que o martes, día 12 de febreiro, ás 11 da mañá, nos atoparemos na Praza da Constitución para honrar ao noso amigo Antonio recentemente finado, compañeiro dos espazos de encontro Café-Calor e Bocateo, no programa “Sereos Casco Vello”.

Neste acto presentaremos unha campaña de convivencia saudable no barrio. Se podes achegarte, a túa compaña nos fará moito ben.

O martes de carnaval ás 17.00 celebrase o festival de entroido no salón de actos da parroquia para que acudan os nenos e nenas do barrio.

O grupo Imán e o programa Sere@s do Casco Vello celebraron onte mércores o Día Internacional da Non Violencia e a Paz cun acto presentado por Antón Bouzas, coordinador do grupo, no Centro Cívico Casco Vello.

O encontro abriuse cunha breve charla de Luís Cendón, portavoz do Imán, sobre a campaña As navallas, perigosa compaña. Vigo capital mundial da movida de cidadáns sen navallas na rúa, realizada ao longo do 2007.

Ademais, o portavoz das persoas sen teito, Iván Vasconcellos, presentou a campaña deseñada para o 2008, dando lectura ao fragmento inicial do texto do xefe indio Seattle ao presidente de EEUU en 1855.

A continuación a escritora An Alfaya recitou dous poemas seus: o primeiro sobre a hipocresía coa que é usado o termo “solidariedade” na nosa sociedade, e o segundo sobre a prostitución.

Nese momento abriuse un coloquio entre os participantes no acto, que se pechou cunha interpretación musical con flauta travesera a cargo de Sabela González.

Ás 8:30 todas as persoas presentes no Centro Cívico desprazáronse portando veas acendidas á Praza da Constitución, onde se repetiron as intervencións musical e literaria, procedeuse á lectura dun breve comunicado no que se solicitou o fin da violencia e as guerras no mundo, e gardouse un minuto de silencio por todas as vítimas da violencia.

O Grupo de autoapoio VIH/Sida e adiccións ”Imán” e “Sereos Casco Vello” desexamos informarvos que este mércores, 30 de xaneiro, día internacional da non violencia e a paz, imos a desenvolver un encontro reflexivo, baixo o tema “A navalla, perigosa compañía”, no centro cívico do Casco Vello, na rúa Oliva nº 12 (lateral esquerdo da igrexa Colexiata), de 19.00 h a 20.30 h.

O programa do acto será o seguinte:

- 19.00 h: Resultados, análise e avaliación da campaña do día internacional do pasado ano 2007, onde declaramos a cidade de Vigo, “Capital mundial da movida de cidadáns sen navallas na rúa”.

- 20.30 h: con velas e fachos saímos ata a Praza da Constitución para denunciar todo tipo de violencias.

Informamos de que a semana pasada tivemos a segunda sesión das "Xuntanzas de familia".

De novo resaltar o éxito de participación e aproveitamento das mesmas nso diversos ciclos da educación na fe. Por si queredes deixamos na sección de descargar un dos documentos empregados na sesión "Deus de Xesús".

Recomendamos este novo artigo do noso compañeiro da comunidade de Babilafuente -Quintín García- titulado "Kyries por la civilización cristiana".

Podedes lelo na web de Atrio.

Este sábado 26 despois da misa, é dicir, ao redor das 20.00 o Comité Óscar Romero convídanos a celebrar o Día da Paz.

Neste ano a proposta é un videoforum na capela, proxectando un documental coa intención de provocar a reflexión entre os presentes. O acto rematará coa lectura conxunta dun manifesto.

Lembramos que o sábado pola mañá os rapaces da catequese terán xogos e obradoiros na praza do pobo.