Na Coordinadora de Crentes Galegos estamos integrados católicos e católicas que gustamos de practicar a nosa fe sen deixar de practicar a nosa galeguidade, nin renunciarmos á nosa intelixencia.
Por iso, cando se trata de votar, temos dúbidas de que un só partido sexa quen de asumir toda a enerxía transformadora e todos os soños feitos vida que provocaron que Xesús de Nazaré morrese de “morte matada”, e non por accidente cardio-vascular...
Nos comezos da campaña electoral sae no debate a cuestión da inmigración a raíz da proposta de Rajoy de facer un "contrato de integración" aos inmigrantes. Ao marxe das opinións que poidades ter sobre esta proposta e as súas consecuencias aquí tedes algúns datos sobre a inmigración recollidos nun artigo de Público e esta foto para refrescar a memoria.
A comisión de enfermos é unha das plataformas menos coñecidas dentro da acción social da comunidade, malia que leva anos facendo unha labor moi importante.
O grupo, que se reune os luns ás 20.00, dedícase a visitar veciños e veciñas que precisan de acompañamento ben por enfermidade ben por soedade.
Aquelas persoas que precisen de visita ou que queiran formar parte do grupo que se acheguen ás reunións ou que pregunten por Joaquín ou Charo.
Amnistía Internacional na súa loita pola defensa dos dereitos humanos presenta dentro da súa campaña "O poder da túa voz" este anuncio que ven cargado de polémica como podedes ler na súa web.
A pasada semana finaron dúas persoas veciñas de Vigo en condicións especialmente duras, unha de elas no centro penitenciario de A Lama.
Por prudencia e pudor non imos dicir en que condicións nin os seus nomes.
A persoa finada na cadea era irmán dun compañeiro de Sereos.
Na honra dos finados e acompañamento no duelo aos seus familiares e amigos, o vindeiro martes19 ás 11 da mañá, na Praza da Constitución imos facer unha concentración; marcaremos no chan un espacio, simulando ser o patio da prisión de A Lama e durante 15 minutos permaneceremos nese espacio, a poder ser descalzos, só con calcetíns vermellos.
Nestes días os medios de masas están a centrar a súa atención nas declaracións dos bispos sobre as eleccións de marzo e a resposta ofrecida polo goberno.
Fronte a isto propoñemos estes "Outros criterios de Igrexa para votar responsablemente" publicados en Rebelión digital. Tamén son interesantes: a nova publicada en Redes Cristiás que recolle a opinión da Asociación de Teólogos e Teólogas Juan XIII sobre a nota da comisión permanente da Conferencia Episcopal, podedes ler a nova neste enlace e o artigo de Cristianos polo Socialismo ante a declaración.
Lemos no portal Insurgente a seguinte nova sobre o aumento da tasa de desemprego:
"A escasas semanas das eleccións, o paro rexistrou o seu peor xaneiro da última década e deixou o total de persoas inscritas nas oficinas do antigo Inem no maior nivel da lexislatura, ata supera nuns 80.000 o total de parados que os socialidemócratas atopáronse cando chegaron ao poder en marzo de 2004. Así, e segundo os datos feitos públicos hoxe polo Ministerio que dirixe Jesús Caldera, o desemprego rexistrado nos Servizos Públicos subiu un en 132.378 persoas (un 6,22% máis) durante o pasado mes con respecto a decembro de 2007, co que a cifra total de desempregados situouse en 2.261.925"
