Presentamos este artigo de Leonardo Boff titulado "O rescate da utopía" que podedes ler en Atrio.
Aquí tedes unn anaco: "No desamparo no que se atopa a humanidade actual faise urxente rescatar o sentido libertador da utopía. En verdade, vivimos no ollo dunha crise de civilización de proporcións planetarias. Toda crise ofrece oportunidades de transformación e riscos de fracaso. Na crise mestúranse medo e esperanza, especialmente agora que estamos xa dentro do proceso de calentamento planetario."
Profesionais e pacientes da unidade de fisioterapia do Centro de Saúde do noso barrio concentráronse contra o anuncio de peche deste servizo.
A plataforma de fisioterapeutas denuncia a precariedade na nosa cidade desta rama asistencial, en contraste coa súa situación noutras poboacións de Galicia. Esta mesma plataforma está a recoller sinaturas para presionar á administración neste sentido.
O sábado pasado os veciños do centro da cidade recibían un presunto bando do alcalde no que se anunciaba un acordo coa inmobiliaria de Karpin para convertir o antigo asilo de Pi y Margall en albergue e comedor municipal para os sen teito e nun espazo de uso social para colectivos.
Esta acción foi realizada por un grupo da cidade co obxectivo de facer reflexionar aos cidadán sobre o papel que xogan os políticos e o que poderían xogar.
Por desgraza na campaña real non teñen cabida estas novas, pero alómenos permítenos pensar noutra cidade posible. Podedes ver a imaxe na parte de descargas co nome de "Bando concello".
O noso compañeiro Quitín -dominico de Babilafuente- achéganos un artigo publicado en El País no que expresa a súa opinión sobre as declaracións feitas pola xerarquía eclesiástica ante as eleccións. Podedes ler o artigo neste enlace
Neste acto censurase a política exterior do Goberno de España permisivo coas violacións de Dereitos Humanos que se están a producir en Colombia.
Será o xoves 6 de marzo ás 20.00 na rúa Urzaiz 180, fronte á sede do PSDEG-PSOE. Convocan o acto: Altermundo, Amarante, Caleidoskopio, GAS e Verdegaia.
O pasado 14 de febreiro tivo lugar a Asemblea Xeral de Dorna coa asistencia dun bo número de socias.
O 28 de febreiro comeza un novo curso: "Cultura galega" será os xoves de 18.00 a 20.00, para anotarse podedes acudir por secretaría os luns de 19.00 a 20.00.
Os veciños asistimos a un novo acto no camiño de ver realizada unha aspiración de máis de 25 anos. Agora a Deputación Provincial ofrece ao Concello de Vigo a posibilidade de facerse cargo da construción do Centro Cultural de A Bouza.
Presentamos este artigo aparecido en Rebelión sobre as consecuencias do noso modelo de vida sobre a Terra. O artigo títulase "Malas y buenas noticias".
Presentamos aquí o manifesto lido no acto celebrado o martes 19 na praza da Constitución en recordo dos compañeiros mortos na cadea:
EN HONRA DE DÚAS PERSOAS FINADAS NO SEGUNDO FIN DE SEMA DO MES QUE ANDAMOS
Benqueridas amigas e amigos:
Xuntámonos hoxe aquí para honrar a memoria de dúas persoas finadas recentemente e para acompañar na dor as súas familias.
Unha destas persoas finou na prisión de A Lama, era irmán dun compañeiro de Sereos Casco Vello e temos a necesidade aprémante de pedir publicamente A HUMANIZACIÓN URXENTE DA PRISIÓN DE A LAMA.
