Coma cada ano xuntámonos os catequistas para repasar o curso pasado e  preparar a programación e o inicio da Catequese 2009-2010.

O ano pasado contamos con ao redor de 270 rapaces nas diferentes etapas da Catequese. Tras analizar o curso pasado etapa a etapa pasamos a preparar o vindeiro curso. Este ano tivemos diversas altas e baixas polo que aproveitamos para lembrarvos que se queredes botar unha man nesta tarefa seredes benvidos.

Lembrar tamén que está aberto o prazo de inscrición de nenos e nenas na Catequese, de luns a venres de 20.00 - 21.00. O inicio da Catequese será o día 03/10/09.

Sen máis despedímonos o grupo de educadares na fe.

Un saúdo.

O vindeiro sábado 26 de setembro de 10.00 a 12.00 a comunidade está convocada para a "Xuntanza de inicio de curso" na que repasaremos os acordos alcanzados na asemblea parroquial, repasaremos o calendario parroquial e tamén importante veremonos as caras para coller o curso con ánimos renovados.

A prensa recolle outra traxedia máis diante das costas españolas, na que morreron oito persoas que estaban preto de chegar a bordo dunha patera ao islote de Perejil, entre os mortos había sete mulleres algunha delas embarazada.

Estamos cansos destas traxedias, chega o momemnto de poñerlle fin, e mentres dende o Goberno anuncian outra reforma na lei de estranxería con más restriccións. Javie Baeza escribe estas liñas sobre a traxedia co título "La cosa continúa".

A prensa local recolle as declaracións realizadas pola asociación de veciños do Casco Vello na que pidan que se abra con urxencia o albergue na Gota de Leite, podedes ler as novas publicadas no Faro de Vigo e na Voz de Galicia.

O pasado sábado 12 de setembro un grupo de membros da comunidade achegouse a Aguiño para celebrar xunto a miles de persoas chegadas de diferentes puntos de Galicia a XXXII Romaxe de Crentes Galegos.

Achegamos as novas aparecidas en El Correo Gallego en na Voz de Galicia sobre a romaxe.

Lembramos que na asemblea parroquial fixamos o decrecemento como tema para reflexionar ao longo do ano nas comunidades, por esta razón achegamos este artigo de Manoel Santos titulado "Decrecer ou... decrecer" que podedes ler en Altermundo.

Achegamos esta reflexión elaborada no XXIX Congreso de teoloxía: "O cristianismo ante a crise económica".

Estamos a un mes de que comece a II Asemblea de Redes Cristiás que este ano celebrarase en Bilbao o 10 e 11 de outubro co título "Alternativas solidarias fronte á crise".

Toda información desta asemblea a podedes atopar na web: www.asamblearedescristianas.net, seguramente un grupo da comunidade achegarase á asemblea pero adiantamos que está aberto o prazo de inscrición.

Benquerida Irimega, benquerido Irimego: Sirvan estas letras para dicirche que o segundo sábado de setembro, neste caso o día 12, agárdante en Aguiño para celebrar a XXXII Romaxe de crentes galegos que nesta ocasión ten coma lema: “UN MAR DE GRAZAS”.

Podemos ler no blog vigoblog.blogspot.com un artigo baixo o título "Bolsa caca" no que reflexionan sobre algunhas cuestións da campaña lanzada pola cadea de supermercados Carrefour na que anuncian a supresión da gratuidade da bolsas de plástico nos seus establecementos.