Este domingo, 16 de marzo, celebrouse a asemblea anual de comunidades xuvenís en Vilán. A reflexión deste ano foi sobre o papel da espiritualidade, especialmente da cristiá, na sociedade actual (o texto está no apartado de descargas).
Podedes ver algunhas fotos da asemblea neste enlace.
Onte, unha vez máis, miles de persoas saíron á rúa en todo o estado baixo o lema de NON Á GUERRA. Esixíase o retorno das tropas españolas no Líbano e Afganistán e o fin da ocupación en Iraq.
Cinco anos despois da ocupación en Iraq non podemos esquencer que moitas persoas seguen a sofrer violencia, opresión e morte e que Europa ten moito que ver niso.
A Semana Santa tivo un bonito preludio na celebración realizada polos rapaces de 15 a 17 anos dos grupos de educación na Fe.
A celebración tivo lugar este martes -11 de marzo- e nela os rapaces fixeron seus estes días tan sinalados ofrecendo símbolos cercanos as súas vidas. Como toda celebración, tivemos despois un momento de encontro, onde o bo humor reinou entre todos eles.
Como moitos xa sabedes, dende o seu nacemento hai máis de 30 anos, a nosa parroquia optou por ser un espazo comunitario e aberto para todo o noso barrio.
A diferenza doutros modelos, nós temos apostado por unha Igrexa que ofrece de balde todos os servizos relixiosos e mesmo pon a disposición de diversas asociacións e entidades do barrio as súas instalacións. Este modelo de funcionamento, precisa sen embargo da colaboración voluntaria de todos/as para o seu sostemento.
Se podes e queres participar como socio/a da Parroquia ofrecémosche a posibilidade de facelo mediante o pago directo á persoa que no teu bloque se encarga desta cobranza ou, se che resulta máis cómodo, mediante domiciliación bancaria a través do formulario que poñemos á túa disposición.
Mesmo se xa estás colaborando, pedímosche que cubras un destes boletíns (boletín1 e boletín2) de subscrición, para facernos máis doada a renovación dos teus datos.
O Espazo Aberto Antimilitar presenta a campaña 2008 contra o Gasto Militar e pola Obxección Fiscal, será o sábado 15 ás 18:00 no cruce de Colón con Príncipe.
"Gastan 25.066.870.000 € totais, 520 € por persoa ao ano, máis do 12,4% do Gasto Público. E ti...Non o gastarías doutro xeito?"
As “Imanciñas” do grupo de autoapoio "Imán" desexamos facer público que o sábado imos participar nas actividades que se organizan na praza 8 de Marzo, na rúa Camelias, e facer visible as carencias, estigmatización e exclusión que vimos sufrindo as mulleres con problemas de adiccións a sustancias tóxicas.
Esta exclusión faise insoportable cando as propias normas das Casas de acollida de protección á muller maltratada réxense por normas excluíntes que nos veñen deixando fora polo feito de padecer adiccións e/ou enfermidades infectocontaxiosas non xustificable dende o punto de vista clínico.
