#LuzeCalorParatodas

Na Galiza 65 mil persoas sofren pobreza enerxética: non poden facer fronte ás facturas de luz, gas ou calefacción.

Mentres a desigualdade e a precariedade medran, a factura eléctrica non para de subir. Temos a terceira electricidade máis cara de Europa.

O 27 de novembro o concello de Vigo prenderá o alumeado de Nadal no que vai (imos) gastar máis de 400.000 euros, e no que se encenderan 2 millóns e medio de pequenas luces de cores.

Falamos con viciñas e viciños de Vigo que sofren cortes de electricidade, que contan da violencia da exclusión do acceso ao dereito á enerxía.

A prioridade das políticas públicas debería ser combater esta exclusión e garantir dereitos básicos.

A realidade que se encenderá hoxe son as luces para o consumismo, as sombras para as familias do Vigo invisíbel que sofre os cortes de luz.

Que se escoiten as súas voces, denunciemos a invisibilidade da pobreza enerxética.

Todos os días, e en Nadal tamén. Reclamamos #luzecalorparatodas

O video aquí: https://www.youtube.com/watch?v=sys-eSc3OQ8