Venres 5/12 – Mesa de recollida de sinaturas da ILP pola Renda Básica en Praza América

Recentemente foi concedida unha prórroga da ILP pola Renda Básica, polo que agora temos ata marzo para recoller o medio millón de sinaturas en todo o Estado.

As xentes da ODS-Coia, o G.A.S. e a parroquia «Cristo da Victoria» seguimos coa presenza na rúa e continuamos coa recollida de firmas. Así o venres 5 de decembro de 17h30 a 19h30 estaremos na Praza de América coa recollida de sinaturas na zona próxima á biblioteca da antiga caixa de aforros.

Asina esta iniciativa para esixir aos representantes políticos a implantación dunha Renda Básica a nivel estatal. A Renda Básica establece o dereito de toda persoa a recibir unha cantidade periódica que cubra as súas necesidades básicas. Constitúese como un dereito individual, universal e incondicional. A contía da Renda Básica será a equivalente ao limiar da pobreza, é dicir, de 645,33 €.

Agardamos polas vosas sinaturas!