Nas comunas da Cidade de Medellín, moitas familias viven en condicións de pobreza absoluta. Desnutrición na poboación infantil, poucas oportunidades de acceso a un emprego digno, precariedade da educación e a saúde, construción de vivenda en terreos en riego, son só algunhas das situacións que diariamente afrontan os poboadores destas comunas.

Este video documental é un documento de denuncia da situación destas familias, e un chamado ás autoridades locais a que deixen de investir tantos recursos en seguridade (militarismo) e que se prioricen de inmediato recursos para a asistencia social das familias das comunidades máis pobres da Cidade de Medellín.

Achegamos o artigo de Frei Betto baixo o título "Difícil arte de ser muller",

No acto celebrado na Praza da Constitución o grupo Imán volver a saír á rúa para reclamar a apertura do centro de emerxencia social para persoas sen teito, a xuntanza serviu tamén para lembrar a Antonio compañeiro de Sereos e para loar a figura de Vicente Ferrer como exemplo de loita contra a inxustiza na India.

Ademais no acto cantamos a canción "Nas choupanas deGalicia" coa que pretenden expresar a indignación que sinten ante o confrontamento entre os responsables políticos do Concello e da Xunta que está a provocar a demora na apertura do albergue.

Podedes ler a nova publicada na Voz de Galicia.

Achegamos este pequeno texto de María González que pode darvos que pensar...

Achegamos este artigo do noso compañeiro brasileiro Frei Betto baixo o título: "Esquecéronse de min ou o fracaso do G-20"

Nas pasadas horas un golpe de Estado quitou do poder ao presidente de Honduras Manuel Zelaya, e os medios de comunicación vólcanse coa nova, aquí deixamos un dos moitos artigos, este de Igancio Escolar, que nos explican algúns condicionantes do conflito.

A prensa volve a poñer de actualidade o edificio da Gota de Leite, ao dicir que non será para a Policía Local e que a escola de Hostelería é un bo emprazamento para o albergue. Mentras tanto os sen teito da cidade seguen desatendidos mentres a clase política pensa a seguinte maniobra.

Podedes ler a nova no Faro de Vigo.

Nunha rolda de prensa Cáritas Española denunciou a falta de resposta que están a dar os servizos sociais públicos para os efectos da crise. Mostra diso é que o 52% das persoas atendidas por Cáritas a través dos servizos de acollida chegan derivadas dende eses servizos sociais.

Podedes ler a nova completa na web de Cáritas Española.

A xente de REAS ARAGÓN (Rede de Economía Alternativa e Solidaria) "asociación formada por diversas entidades, cooperativas, empresas de inserción, fundacións, asociaciones, sociedades laborais e outras redes que se coordinan por cooperar entre elas e difundir a economía solidaria, é dicir, unha economía baseada no traballo emancipador, sen explotación, sostible, democrática e participativa" nos achegan este interesante artigo titulado "Decálogo (de rúa) contra a crise" no que n os amosan algunhas alternativas para saír deste sistema xerador de inxustiza.

A fame no mundo alcanzará un récord histórico en 2009, con 1.020 millóns de persoas que pasan fame a diario, segundo os últimos datos publicados pola FAO. Unha sexta parte da humanidade sofre desnutrición.